സംസ്ഥാനത്ത് സ്വർണവില ഇന്നും കുറഞ്ഞു. കഴിഞ്ഞദിവസത്തെക്കാൾ 180 രൂപ കുറഞ്ഞ്, ഇന്ന് ഒരുഗ്രാം സ്വർണത്തിന്റെ വില 11, 465രൂപയായി. ഇതോടെ 22കാരറ്റിന്റെ ഒരു പവൻ സ്വർണത്തിന്റെ വില 91, 720 രൂപയായി. കഴിഞ്ഞ ദിവസം ഒരു പവന്റെ വില വൈകുന്നേരത്തോടെ 93, 160രൂപയായി കുറഞ്ഞിരുന്നു. രാവിലെ ഇത് 93, 760 രൂപയായിരുന്നു. അതേസമയം 18 കാരറ്റിന്റെ ഒരു പവൻ സ്വർണത്തിന് 75, 048രൂപയും 24 കാരറ്റിന്റെ ഒരു പവൻ സ്വർണത്തിന് ഇന്ന് 1,00,064 രൂപയുമായി.
രണ്ടുദിവസം മുമ്പ് ഈ മാസത്തെ ഏറ്റവും ഉയർന്ന നിരക്കിലെത്തിയ ശേഷമാണ് സ്വർണ വിലയിൽ വീണ്ടും കുറവ് സംഭവിച്ചിരിക്കുന്നത്. ആഗോളവിപണയിലുണ്ടാകുന്ന മാറ്റമാണ്, സംസ്ഥാന വിപണയിലും പ്രതിഫലിക്കുന്നത്. ആഗോള വിപണയിൽ സ്വർണവില 4,181.93 ഡോളറിലാണ് വ്യാപാരം നടക്കുന്നത്.
ഇക്കഴിഞ്ഞ നവംബർ 13ന് ഒരു ഗ്രാം സ്വർണത്തിന്റെ വില 11, 790 രൂപയായിരുന്നു. രണ്ട് ദിവസം പിന്നിടുമ്പോൾ 2600 രൂപയാണ് ഒരു പവൻ സ്വർണത്തിന് കുറഞ്ഞിരിക്കുന്നത്. കഴിഞ്ഞ ദിവസം രാവിലെയും വൈകിട്ടുമായി 1160രൂപ സ്വർണത്തിന് കുറഞ്ഞപ്പോൾ ഇന്ന് 1400 രൂപയാണ് ഒരു പവന് കുറഞ്ഞത്. ഈ മാസമാദ്യം, നവംബർ അഞ്ചിനാണ് ഈ മാസത്തെ ഇതുവരെയുള്ള ഏറ്റവും കുറഞ്ഞ വിലയായ 89080 രൂപ ഒരു പവന് രേഖപ്പെടുത്തിയത്.Content Highlights: today's gold rate on 15th November 2025